#infopartage
سلام الخوت ..في إطار الإفادة بغيت ندوي على بعض النقاط والاستراتيجيات الخاصة بالبيع على إيباي..لي كيبانولي من خلال تجريبتي المتواضعة أنهم مهمين وبزاف ديال الناس المبتدئين غافلين عليهم و يقدرو يكونو هما السبب لي كيخليهوم ميجيبوش مابيعات..
نبداو على بركة الله
أول حاجة قبل ماتليستي أي بروداكت خاس دير واحد البحت عليه و من الأحسن يكون فايت تباع فنفس داك الشهر و شحال ما كان تباع بزاف زادت الإمكانية باش تبيع حتا نتا..
تاني حاجة من بعد لا كان البروداكت كيتباع خاس تدخل بعنوان ip تاع الميريكان و شوف شحال ديال الناس اللي حاطينو وشوف شحال بايعين و الأتمنة باش بايعين..هنا خاس دير واحد المقارنة بين النقطة اللولة والثانية (المنافسة و البيع) يعني العرض و الطلب و من تم غيبانليك واش يصلاح تحط المنتوج ولا لا..
هنا كتكون لقيتي المنتوج لي غتلوح
إلا كنتي كدير spy يعني التجسس على المنافسين غتدخل للمنتوجات ديال داك سيلير وتشوف شنو كيتباعلو مزيان و من تما غاتعرف سورس لي كياخد منو و شحال ديال البروفيت كيدير ويلا بانليك مزيان ديرليه save و غيبقا عندك مرا مرا دخل هز منو شي منتوج.
نشوفو دابا من بعد ما لقيتي المنتوج لي غتلوح وبغيتي تليستيه..هنا كاين بزاف ديال الحوايج خاس ترد ليهم البال ..أهمهم العنوان والتمن و الصور .. please no copier past.. خاص ضروري تكون شي حاجة متميزة فالليستينغ ديالك..تخيل معاي المشتري كتب الكييوورد وخرجوليه 10 ديال الناس لايحين داك المنتوج ونتا بينهوم ..شنو غيخلي الباير يختار المنتوج ديالك بالضبط..رغم أنهم زايدين عليك فالفيدباك و يمكن يكونو قل منك فالتمن..سو ضروري خاس تكون متميز واخا غي بصورة مختلفة عليهم على الأقل..
نجيو للعنوان راه ماشي ضروري تهز العنوان ديال المنافس ديالك كيفما هو.. دير فبالك بلي الباير فاش كيدخل يقلب راه كيكتب 2 كلمات أو 3 سو أهم حاجة تعرف دوك الكيوردس خاس تديرهم فالعنوان ديالك و تزيد عيهم كلمات أخرى عندها علاقة بداك النيش و عليهم كمية البحت كبيرة ..
شحال من مرة كتلقاك حاط منتوج معا منافس واحد و كتلقاه خدام كيبيع ونتا مكاتجيب والو حتا المشاهدات مكاينينش رغم أنك غي نتا وياه حاطين داك المنتوج ..علاش ؟ حيت كتدخل تقلب كتكتب العنوان كامل ..إلا كتبتي الكلمات المفتاحية الأساسية وقلبتي غيطعولك 100 واحد فنتائج البحت و غتلقاه هو فرأس القائمة ونتا فآخر القائمة 😂😂 سو الحل هنا هو تركز كيفاش ترانكا فالكلمات الأساسية و تشوف كلمات أخرى تقدر تجيب منهم الطرافيك..يعني متبقاش غير تكوبي من عند بنادم..
نجيو للتمن ..عمرك تحط التمن قبل ما تشوف الأتمنة ديال المنافسين ديالك إلى قدرتي تحط أقل تمن و يبقالك بروفيت مزيان يكون أحسن..ماقدرتيش دير بحالهم المهم حافض على تمن السوق حيت إلى غليتي بزاف مكاينش لي غادي يشري من عندك.. بس: غتقولي لا فايت حطيت بتمن طالع وجبت سيل غنقولك وي كاين حالات خاصة مي كنهضرو هنا على 80 حتا ل90% من الحالات..
من بعد ما تليستي المنتوج دخل ضرب طليلة عليه فنتائج البحت شوف كيفاش كيبان للمشتري واش كيجدب الإنتباه ولا لا و الرانك ديالو..ومنها تاخد فكرة على شنو كتعتامد إيباي فالترتيب ..
هادو فنضري أهم النقاط فلليستينغ
درس مزيان السورس لي غتاخد منو و شوف واش كيتماشا معا السياسات ديال إيباي خصوصا من ناحية الروتورن وركز ديما على أنك تكبر الحساب ديالك و خدمة العملاء ..
جوج حوايج عمرك ديرهم و عطيهم التيساع ما أمكن حيت يقدرو يهرسولك الكونط :
-Cancel order because it's out of stock
-case closed without seller resolution
المهم حاولت نلخص ليكم أهم النقاط، وخا صراحة كل نقطة خاصها موضوع بوحدو، إلى كانو ناس مهتمين نقدر نهضر على كل حاجة بوحدها، هادشي يقدر يكون غير مفيد بالنسبة للناس لي خدامة مزيان وكتحقق مبيعات.. مي غيفيد بزاف الناس لي مزالا يلاه بدات و محققات والو..
المهم نتمنا منكونش طولت عليكم، و بالتوفيق للجميع 😊😊
سلام الخوت ..في إطار الإفادة بغيت ندوي على بعض النقاط والاستراتيجيات الخاصة بالبيع على إيباي..لي كيبانولي من خلال تجريبتي المتواضعة أنهم مهمين وبزاف ديال الناس المبتدئين غافلين عليهم و يقدرو يكونو هما السبب لي كيخليهوم ميجيبوش مابيعات..
نبداو على بركة الله
أول حاجة قبل ماتليستي أي بروداكت خاس دير واحد البحت عليه و من الأحسن يكون فايت تباع فنفس داك الشهر و شحال ما كان تباع بزاف زادت الإمكانية باش تبيع حتا نتا..
تاني حاجة من بعد لا كان البروداكت كيتباع خاس تدخل بعنوان ip تاع الميريكان و شوف شحال ديال الناس اللي حاطينو وشوف شحال بايعين و الأتمنة باش بايعين..هنا خاس دير واحد المقارنة بين النقطة اللولة والثانية (المنافسة و البيع) يعني العرض و الطلب و من تم غيبانليك واش يصلاح تحط المنتوج ولا لا..
هنا كتكون لقيتي المنتوج لي غتلوح
إلا كنتي كدير spy يعني التجسس على المنافسين غتدخل للمنتوجات ديال داك سيلير وتشوف شنو كيتباعلو مزيان و من تما غاتعرف سورس لي كياخد منو و شحال ديال البروفيت كيدير ويلا بانليك مزيان ديرليه save و غيبقا عندك مرا مرا دخل هز منو شي منتوج.
نشوفو دابا من بعد ما لقيتي المنتوج لي غتلوح وبغيتي تليستيه..هنا كاين بزاف ديال الحوايج خاس ترد ليهم البال ..أهمهم العنوان والتمن و الصور .. please no copier past.. خاص ضروري تكون شي حاجة متميزة فالليستينغ ديالك..تخيل معاي المشتري كتب الكييوورد وخرجوليه 10 ديال الناس لايحين داك المنتوج ونتا بينهوم ..شنو غيخلي الباير يختار المنتوج ديالك بالضبط..رغم أنهم زايدين عليك فالفيدباك و يمكن يكونو قل منك فالتمن..سو ضروري خاس تكون متميز واخا غي بصورة مختلفة عليهم على الأقل..
نجيو للعنوان راه ماشي ضروري تهز العنوان ديال المنافس ديالك كيفما هو.. دير فبالك بلي الباير فاش كيدخل يقلب راه كيكتب 2 كلمات أو 3 سو أهم حاجة تعرف دوك الكيوردس خاس تديرهم فالعنوان ديالك و تزيد عيهم كلمات أخرى عندها علاقة بداك النيش و عليهم كمية البحت كبيرة ..
شحال من مرة كتلقاك حاط منتوج معا منافس واحد و كتلقاه خدام كيبيع ونتا مكاتجيب والو حتا المشاهدات مكاينينش رغم أنك غي نتا وياه حاطين داك المنتوج ..علاش ؟ حيت كتدخل تقلب كتكتب العنوان كامل ..إلا كتبتي الكلمات المفتاحية الأساسية وقلبتي غيطعولك 100 واحد فنتائج البحت و غتلقاه هو فرأس القائمة ونتا فآخر القائمة 😂😂 سو الحل هنا هو تركز كيفاش ترانكا فالكلمات الأساسية و تشوف كلمات أخرى تقدر تجيب منهم الطرافيك..يعني متبقاش غير تكوبي من عند بنادم..
نجيو للتمن ..عمرك تحط التمن قبل ما تشوف الأتمنة ديال المنافسين ديالك إلى قدرتي تحط أقل تمن و يبقالك بروفيت مزيان يكون أحسن..ماقدرتيش دير بحالهم المهم حافض على تمن السوق حيت إلى غليتي بزاف مكاينش لي غادي يشري من عندك.. بس: غتقولي لا فايت حطيت بتمن طالع وجبت سيل غنقولك وي كاين حالات خاصة مي كنهضرو هنا على 80 حتا ل90% من الحالات..
من بعد ما تليستي المنتوج دخل ضرب طليلة عليه فنتائج البحت شوف كيفاش كيبان للمشتري واش كيجدب الإنتباه ولا لا و الرانك ديالو..ومنها تاخد فكرة على شنو كتعتامد إيباي فالترتيب ..
هادو فنضري أهم النقاط فلليستينغ
درس مزيان السورس لي غتاخد منو و شوف واش كيتماشا معا السياسات ديال إيباي خصوصا من ناحية الروتورن وركز ديما على أنك تكبر الحساب ديالك و خدمة العملاء ..
جوج حوايج عمرك ديرهم و عطيهم التيساع ما أمكن حيت يقدرو يهرسولك الكونط :
-Cancel order because it's out of stock
-case closed without seller resolution
المهم حاولت نلخص ليكم أهم النقاط، وخا صراحة كل نقطة خاصها موضوع بوحدو، إلى كانو ناس مهتمين نقدر نهضر على كل حاجة بوحدها، هادشي يقدر يكون غير مفيد بالنسبة للناس لي خدامة مزيان وكتحقق مبيعات.. مي غيفيد بزاف الناس لي مزالا يلاه بدات و محققات والو..
المهم نتمنا منكونش طولت عليكم، و بالتوفيق للجميع 😊😊
